प्रदेश १ मा ४३ कोरोना संक्रमित थपिए : ७२० जना डिस्चार्ज, ४ जनाको मृत्यु

विराटनगर : मंगलवार प्रदेश १ मा ७२० जना डिस्चार्ज भएका छन्। जसमध्ये होमआइसोलेसनबाट मात्र ७१५ जना डिस्चार्ज भएका हुन्। मोरङको विराट मेडिकल कलेजबाट ३ र मेची अस्पताल झापाबाट २ जना डिस्चार्ज भएको सामाजिक विकास मन्त्रालयले जनाएको छ।

मंगलवार डिस्चार्ज भएका ७२० जनासँगै हालसम्म ९ हजार ४४६ जना संक्रमण मुक्त भएका छन्। त्यस्तै, मंगलवार ४३ जना कोरोना संक्रमित थपिएका छन्। जसमा प्रदेश १ को सुनसरीमा ३०, झापामा ७ र मोरङमा ६ जनामा संक्रमण देखिएको सामाजिक विकास मन्त्रालयले जनाएको छ।