म्याराडोनाको शवसँगै सेल्फी खिच्‍ने तीन कर्मचारी बर्खास्त, ज्यान मार्ने धम्की पनि

बुएनोस आयर्स : डिएगो म्याराडोनाको पार्थिव शरिरसँगै फोटो (सेल्फी) खिच्‍ने तीन अर्जेन्टिनी कर्मचारीलाई कामबाट वर्खास्त गरिएको छ । साथै उनीहरुलाई ज्यान मार्ने धम्की समेत आएको छ ।

बुधबार निधन भएका महान फुटबलर म्याराडोनाको दाहसंस्कारको तयारी गरिरहँदा दाहसंस्कार गृहका तीन कर्मचारीले उनको शव छेउमा उभिएर फोटो खिचेका थिए । क्लाउडियो फर्नान्डेजले स्थानीय मिडियालाई बताए अनुसार उनी र उनको छोरा इसमाएलले फोटो लिएका थिए । र अर्को व्यक्ति क्लाउडियो मेडिना पनि यसमा जोडिएका थिए । र उनीहरु तीनै जना बर्खास्तीमा परेका छन् ।