आजबाट नेपाली राष्ट्रिय फुटबल टिमको प्रशिक्षण शुरु, यस्तो देखियो रंगशालाको माहौल

काठमाडौं : बंगलादेशसँग हुन गइरहेको मैत्रीपूर्ण खेलका लागि नेपाली टिमको बन्द प्रशिक्षण आजबाट शुरु भएको छ। बंगलादेशसँगको दुई मैत्रीपूर्ण खेलका लागि बिहीवारबाट दशरथ रंगशालामा एन्फाले प्रशिक्षण शुरु गराएको हो।

यसअघि एन्फाले खेलाडीहरुलाई बुधवारसम्म उपस्थित हुन भनेको थियो। नेपाली टिमका स्वीडिस प्रशिक्षक योहान कालिन स्वीडेनमै रहेको र महामारीका कारण आउन नमिल्ने कारण देखाउँदै एन्फाले मुख्य प्रशिक्षकको जिम्मेवारी बालगोपाल महर्जनलाई दिएको छ। यसअघि असोज ३० मा एन्फाले राखेपबाट अभ्यास शुरु गराउन अनुमति मिलेको जानकारी गराएको थियो।