रोमाञ्चक खेलमा बेंगलुरुले चेन्नईलाई २ रनले हरायो

२० वैशाख, काठमाडौं । रोयल च्यालेन्जर्स बेंगलुरुले इन्डियन प्रिमियर लिग (आईपीएल) क्रिकेटमा शनिबार चेन्नई सुपर किङ्समाथि २ रनको रोमाञ्चक जित निकालेको छ ।

बेंगलुरुले दिएको २१५ रनको लक्ष्य पछ्याएको चेन्नईले पूरा २० ओभरमा ५ विकेट गुमाएर २१२ रन मात्र बनाउन सक्यो । ओपनर आयुष माथरेले ९४ रन तथा रविन्द्र जडेजाले अविजित ७७ रन बनाएपनि अन्त्यमा पर्याप्त हुन सकेन ।