भोलिबाट एनआरएनए अधिवेशन : अध्यक्षमा चारजनाको उम्मेदवारी, अन्य पदमा कति ? (नामावलीसहित)

मंगलबार गैरआवासीय नेपाली संघ एनआरएनएको अधिवेशन सुरु हुँदै छ । अधिवेशनका लागि संसारभरका गैरआवासीय नेपाली नेपालमा जम्मा भएका छन् । अघिल्लोपटक विवादका कारण अधिवेशन हुन नसकेपछि सरकारले हस्तक्षेप गरेर सर्वसम्मत रूपमा चारजना अध्यक्ष बनाएर समिति घोषणा गरेको थियो । त्यसकारण यसपटकको अधिवेशन प्रतिस्पर्धात्मक बन्ने भएको छ ।

सोमबार मनोनयन दर्ताको कार्यतालिका थियो । जसमा अध्यक्ष पदका लागि चारजनाले उम्मेदवारी दिएका छन् । अध्यक्षका लागि वर्तमान अध्यक्षद्वय बद्री केसी र रविना थापा तथा उपाध्यक्षद्वय राजेन्द्र कुमार (आरके) र महेश श्रेष्ठले अध्यक्ष पदमा उम्मेदवारी दर्ता गरेका हुन् ।