प्रचण्डसँग सम्बन्ध विग्रिएपछि बालुवाटारमा ओली-नेपाल २ घन्टा वार्ता

काठमाडौं । प्रधानमन्त्री एवं नेकपा अध्यक्ष केपी ओलीलाई भेट्न नेकपाका वरिष्ठ नेता माधव कुमार नेपाल मंगलबार साँझ बालुवाटार पुगेको पछिल्लो समाचार प्राप्त भएको छ । यता नेकपाका अर्का अध्यक्ष प्रचण्डसँग प्रधानमन्त्री केपी ओलीको सम्बन्ध बिग्रिँदै भनिएका बेला वरिष्ठ नेता माधव मंगलबार साँझ बालुवाटार पुगेका थिए । यस्तो बेलामा भएको यो भेटलाई नेकपा भित्र पनि अर्थपूर्ण रुपमा लिइएको छ । यस भेटलाई प्रधानमन्त्री ओलीले नेपालसँग सहकार्यको प्रयास गरेको अर्थका रुपमा पनि कतिपयले लिएका छन्।

प्रधानमन्त्री ओली र वरिष्ठ नेता नेपालबीच मंगलबार करिब २ घन्टा छलफल भएको बालुवाटार समाचार स्रोतले जनाएको छ। भेटमा प्रधानमन्त्री ओलीले सहकार्यका लागि प्रस्ताव गरेको तर ठोस प्रगति केही हुन नसकेको समाचार स्रोतले बताएको छ । तर उक्त भेटका लागि प्रधानमन्त्री ओलीले नै नेपाललाई बोलाएका थिए कि नेपाल आफैले समय लिएर भेट्न गएका हुन् भन्ने बारेमा भने केही बुझिएको छैन ।