प्रहरीमाथि पेट्रोल बम प्रहार!

काठमाडौं। निषेधाज्ञाको उल्लङघन गर्दै एउटा समूहले जबर्जस्ती रातो मच्छिन्द्रनाथको रथ तान्न खोजेपछि आज दिनभर ललितपुरको पुल्चोक क्षेत्र तनाबग्रस्त बन्यो। स्थानीय प्रशासनको निर्देशनमा प्रहरीले रथ तान्न रोकेपछि सो समूह प्रहरीमाथि नै जाइलागेको थियो।

सो समूहको गालीगलौज र आक्रमणमा पर्दा समेत प्रहरीले धैर्यता अपनाएको देखिन्थ्यो। तर प्रहरीको धैर्यतालाई कमजोरी ठानेर रथ तान्न जबर्जस्ती गरिरहेको समूह झनै आक्रामक बनेपछि सामान्य बल प्रयोग गर्न बाध्य भएको त्यहाँ खटिएका एक सुरक्षा अधिकारीले देखापढीलाई बताए। प्रहरीका तर्फबाट भीड तिवर वितर पार्न अश्रुग्यास प्रहार भएको थियो भने रथ तान्ने समूहले घरेलु हतियार नै प्रयोग गरेका थिए। प्रहरीका अनुसार सो समूहबाट पेट्रोल बम समेत प्रहार भएको थियो।