कोरोना महामारीः स्पेनमा अब गरिब परिवारले मासिक ४ सय ६२ युरो पाउने

एजेन्सी । स्पेनको वामपन्थी सरकारले देशका गरिब जनतालाई न्युनतम राहतका कार्यक्रमलाई अनुमोदन गरेको छ । यो कार्यक्रम अन्तर्गत प्रत्येक गरिब परिवारले अब मासिक ४६२ युरो राहत पाउने जनाइएको छ । यस कार्यक्रममा स्पेन सरकारले ५ जनाभन्दा बढी व्यक्ति भएका परिवारका लागि बढी रकम राहत दिने जनाएको छ । सरकारले धेरै सदस्य भएका परिवारलाई अधिकतम ९९० युरो राहत उपलब्ध गराउने जनाएको छ ।

यो कार्यक्रम कोरोना महामारीकै बीचमा एक्कासि अनुमोदन गरिएको हो । यो योजनाबाट स्पेनमा साढे आठ लाख मानिसहरु लाभान्वित हुने विश्वास लिइएको छ । यो कार्यक्रममा विशेषगरी बाहिरी देशबाट स्पेनमा बसोबास गरिरहेका आप्रवासीहरुलाई सामेल गरिनेछ । त्यसका लागि स्पेनमा एक वर्षभन्दा बढी समय बसोबास गरेको हुनुपर्ने जनाइएको छ ।