वीरगञ्जमा थप २ जना कोरोना संक्रमितको मृत्यु, मृतकको संख्या ५४ पुग्यो

काठमाडौं - वीरगञ्जमा मृत्यु भएका दुई जनामा कोरोना संक्रमण भएको पाइएको छ। बिहीबार मृत्यु भएका दुवै जनाको मृत्युपछि वीरगञ्जस्थित नारायणी अस्पतालमा कोरोना भाइरस संक्रमण रहेको पुष्टि भएको हो।

'वीरगञ्जमा मृत्यु भएका २ जनामा कोरोना संक्रमण पुष्टि भएको छ। उनीहरू दुवै जना वीरगञ्ज महानगरकै बासिन्दा हुन्,' नारायणी अस्पतलाका मेडिकल सुपरिटेन्डेन्ट डा मदन उपाध्यायले भने, 'उनीहरुको रिपोर्ट बिहीबार साँझमा आएको हो।'