पिठोको बोराभित्र १५ हजार भारु राखेर बाँडिएको विषयमा बोले आमिर खान

एजेन्सी । यसबेला भारतमा लकडाउन जारी छ । कोराना भाइरस संक्रमणबाट प्रभावित भएको भारतमा गरिब र असाहय मानिसहरुलाई सहयोग गर्नेहरु पनि बढिरहेका छन् । त्यसमा उद्योगपति, राजनीतिक कर्मीहरुदेखि सिने कलाकारहरु पनि अघि देखिएका छन् ।

बलिउड नायकहरु अक्षयकुमार, सलमान खान, शाहरुख खान, अजय देवगन लगायतले गरिब र असाहयहरुलाई सहयोग गरेका खबरहरु बाहिर आइरहेका छन् । केही दिन पहिले भारतमा एउटा भिडियो भाइरल भयो । उक्त भिडियो अर्का नायक आमिर खानसँग जोडिएको थियो ।