मुकेश चौरसिया मृत्यु प्रकरणका मुख्य प्रतिवादी पक्राउ

काठमाडौं : नेपाल कम्युनिस्ट पार्टी (नेकपा)का नेता मुकेश चौरसिया मृत्यु प्रकरणका मुख्य प्रतिवादीलाई प्रहरीले पक्राउ गरेको छ। घटनापछि फरार रहेका पर्साको विन्दवासिनी गाउँपालिका वडा नम्बर ३ ईटियाहीका ३८ वर्षीय अखिलेश प्रसाद चौरसिया भन्ने अशेसर प्रसाद चौरसियालाई प्रहरीले आइतवार पक्राउ गरेको हो।

लुकीछिपी बसिरहेको अवस्थामा प्रहरीले खोज तलास गर्दै जाने क्रममा उनलाई आइतवार पर्साको वीरगंज महानगरपालिका वडा नम्बर २५ स्थित अलौ सिर्सियाबाट नियन्त्रणमा लिएको हो। उनीमाथि अनुसन्धान भइरहेको प्रहरीले जनाएको छ।