आहा, हिमाल हेरेरै दङ्ग !

सगरमाथा ट्रेकिङ रुटमा अहिले म परिवार र साथीहरुसहित रहेकाे विगत केही दिनदेखिकाे ब्लगले थाहा पाइसक्नुभएकाे हाेला। हिजाे राति हामी नाम्चे आइपुगेका थियौँ र आज हामीले हिमालहरुलाई अझ नजिकबाट देख्यौँ।

बिहान सबेरै सूर्याेदय हेर्न भनेर त निस्कियौँ, तर के देखिनु ! बरु सूर्यकाे किरणले चुचुरा चुमेकाे हेर्न पायौँ। सगरमाथालाई अझ राम्राेसँग भेट्यौँ। सगरमाथाभन्दा गजब आकारकाे राम्राे हिमाल त आमादब्लम रहेछ। जति हेर्याे हेरुँ लाग्ने! आहा !