शेष घलेको प्रभावमा आरजुले खेलिन् दोहोरो भूमिका, अनि फुट्यो एनआरएनए

शेष घलेले परराष्ट्र मन्त्री आरजु राणा देउवालाई माध्यम बनाएर विदेशमा रहेका नेपालीहरुको छाता संस्था गैरआवासीय नेपाली संघ (एनआरएनए) लाई फुटाएका छन् । मन्त्री राणाकै उपस्थितिमा काठमाडौँको हायात होटलमा शनिबार एनआरएनएको लोगो प्रयोग गरी एउटा अनधिकृत समूहले कथित एकता महाधिवेशन उद्घाटन गरेको छ ।

सर्वोच्च अदालतको एउटा सन्दर्भ गुज्रिसकेको आदेशमा टेकेर शेष घलेले एनआरएनएका मुर्धन्य अभियन्ताहरुलाई बाहिर राखेर केही दर्जन मान्छे भेला पारेका छन् । अब तिनीहरुलाई नै ताली बजाउन लगाएर आफ्नो इशारामा नाच्ने मान्छेलाई अध्यक्ष र अन्य पदाधिकारीको टिको लगाइदिनेछन् ।