इलाम–२ मा उपनिर्वाचनका लागि भयो अन्तरक्रिया

इलाम निर्वाचन क्षेत्र नं २ मा आगामी वैशाख १५ मा हुने उपनिर्वाचनका लागि जिल्लाका सरोकारवालाको अन्तरक्रियाले विभिन्न निर्णय गरेको छ।

जिल्ला निर्वाचन कार्यालयले बुधबार आयोजना गरेको अन्तरक्रियामा निर्वाचनमा सहयोग र समन्वयसम्बन्धी निर्णय गरिएको हो। कार्यालयका सूचना अधिकारी कृष्ण लिम्बूका अनुसार फागुन २८ गतेदेखि चैत ५ सम्म मतदाता नामावली अद्यावधिक तथा अन्तिम मतदाता नामावली प्रकाशन गरिनेछ।