बजेट बनाउने चटारोमा वाग्मती प्रदेश, मन्त्रालयमा योजना माग्नेको भिड

हेटौंडा : वाग्मती प्रदेश सरकार यति बेला आगामी आर्थिक वर्ष २०८०-८१ को बजेट निर्माणको तयारीमा छ। असार १ गते बजेट ल्याउनुपर्ने संवैधानिक व्यवस्थाअनुसार प्रदेश सरकारले बजेटको शिलिङ मन्त्रालयहरुमा पठाइसकेको छ। त्यही अनुसार बजेट तयार गर्न थालिएको हो।

मन्त्रालयहरुले बितेको आर्थिक वर्षमा प्राप्त गरेको बजेटको शिलिङ भन्दा यसपटक १० प्रतिशत कम बजेटको शिलिङ प्राप्त गरेका छन्। प्रदेशको ११ वटा मन्त्रालयहरुले पनि आफ्ना मातहतका कार्यालयहरु मार्फत बजेट बनाउने काम सुरु गरेका छन्। हाल ६ वटा मन्त्रालय मन्त्री बिहीन छन्। बाँकी ३ वटा मन्त्रालय अर्थममन्त्री बहादुर सिंह लामा र २ मन्त्रालय भने मुख्यमन्त्रीको शालिकराम जम्कट्टेल जिम्मेवारीमा छन्। यद्यपि, आइतवारसम्म मन्त्रिपरिषदलाई पूर्णता दिने मुख्यमन्त्री शालिकराम जम्कट्टेलको तयारी छ।