मलेसियामा १६२ नेपाली अलपत्र, न काम न दाम

काठमाडौं । वैदेशिक रोजगारीका लागि मलेसिया पुगेका १६२ जना नेपाली कामदार करिब तीन महिनादेखि अलपत्र परेका छन् । काठमाडौंमा रहेको रिडियन्स, जेपीलगायत विभिन्न म्यानपावरबाट मलेसिया पुगेका उनीहरू सम्झौतानुसारको काम र दाम नपाएपछि अलपत्र परेका हुन् ।

म्यानपावर कम्पनीलाई प्रतिव्यक्ति ३ देखि साढे ४ लाख रुपैयाँ बुझाएर मलेसिया पुगेका उनीहरू अहिले एउटा कोठामा बन्दीसरह बस्न विवश छन् । अलपत्र परेको झन्डै तीन महिना पुग्न लाग्दा पनि रोजगारदाता कम्पनी तथा म्यानपावरले कुनै वास्ता नगरेपछि उद्धारका लागि हारगुहार गर्नुपरेको राजकुमार दाहालले जानकारी दिए ।