कोशी प्रदेश : संसदीय अंकगणितमा प्रस्ट अल्पमतमा रहेका मुख्यमन्त्री विश्वासको मत खोज्दै

विराटनगर । कोशी प्रदेशसभाको तेस्रो अधिवेशन असार १४ गतेका लागि डाकिएको छ । मुख्यमन्त्री हिक्मतकुमार कार्कीले विश्वासको मत लिने मुख्य उद्देश्यका लागि डाकिएको उक्त प्रदेशसभा अधिवेशनको पहिलो बैठकमा भने सरकारले अध्यादेशमार्फत ल्याएको बजेट पेस गर्नुपर्नेछ ।

मुख्यमन्त्री कार्की प्रदेशसभाको अंकगणित अनुसार प्रस्ट अल्पमतमा छन् । त्यसैले विपक्षी गठबन्धन विश्वासको मतसम्बन्धी प्रस्ताव फेल गराउने तयारीमा छ । उता, मुख्यमन्त्री कार्की र एमाले भने संसदमा विश्वासको मत लिने सम्भावना रहेको बताउँदै राजीनामाको साटो सत्ता जोगाउने चलखेलमा लागेको देखिन्छ ।