एकीकृत कृषि मोडेलअनुरुप योजना बनाएर अघि बढ्नुपर्छः कृषिमन्त्री भुसाल

धनुषा । कृषि तथा पशुपंक्षीमन्त्री घनश्याम भुसालले एकीकृत कृषि मोडेलअनुरुप योजना बनाएर अघि बढ्ने बताएका छन् । धनुषाको कमल नगरपालिकाको पहलमा स्थलगत अनुगमन तथा अध्ययनका लागि आएका कृषिमन्त्री भुसालले सो कुरा बताएका हुन् ।

मन्त्री भुसालले स्थानीय सरकार, प्रदेश सरकार र संघीय सरकारको समन्वय तथा सहकार्यमा स्थानीय साना किसान सहकारी लगायतका संघसंस्थालाई परिचालन गरी बृहत योजनाअनुसार अघि बढ्ने प्रतिवद्धता व्यक्त गरे । उनले कमला नदीको वरिपरि रहेका हजारौँ हेक्टर जग्गालाई कृषियोग्य उत्पादनका लागि उपयोग गरिने स्पष्ट पारे । उनले विभिन्न किसिमका कृषियोग्य वस्तुको उत्पादनका लागि समेत यहाँका स्थानीय किसानका जग्गा तथा जग्गावालको सहभागितामा दिर्घकालिन योजना बनाएर कृषि जोन निर्माण गनुपर्नेमा जोड दिए ।