हङकङका आन्दोलनकारीलाई पुरस्कृत गर्ने संकेत ! कस्तो होला चीन र नर्वेबीचको सम्बन्ध ?

एजेन्सी । चीनले नर्बेलाई हङकङमा आन्दोन भड्काउनेहरुलाई नोबेल शान्ति पुरस्कार नदिन आग्रह गरेको छ । नर्वेको भ्रमणमा रहेका चिनियाँ विदेशमन्त्री वाङ वीले हङकङकमा आन्दोलन गरिरहेका आन्दोलनकारीहरुलाई नोबल शान्ति पुरस्कार दिइएमा दुई देशबीचको सम्बन्धमा संकट आउन सक्ने संकेत दिएका छन् ।

बिगतमा जस्तै यो पटक पनि हङकङमा आन्दोलन गरिरहेको लोकतान्त्रिक पक्षधर नेतृत्वबाट नोबेल शान्ति पुरस्कारका लागि छनोट गर्न सक्ने समाचारहरु बाहिर आइरहेका छन् । विगतमा चिनियाँ मानवअधिकारकर्मी लियु शियोबो र तिब्बतका धार्मिक नेता दलाई लामालाई नोबेल शान्ति पुरस्कार दिइएको थियो । उनीहरुलाई पुरस्कार दिएपछि चीन र नर्बेबीच विवाद उत्पन्न भएको थियो ।