राष्ट्रिय सुरक्षा परिषद्को बैठक : सुरक्षा चुनौती र कोरोना बारे छलफल

काठमाडौँ । प्रधानमन्त्री केपी शर्मा ओलीको अध्यक्षतामा बुधबार प्रधानमन्त्री निवास बालुवाटारमा बसेको राष्ट्रिय सुरक्षा परिषद्को बैठकले मुलुकको वर्तमान अवस्था र सुरक्षा चुनौतीका विषयमा छलफल गरेको छ ।

नेपाली सेनाको ‘पृतनापति समन्वयात्मक बैठक’ सम्पन्न भए लगत्तै बसेको सुरक्षा परिषद्को बैठकले मुलुकमा देखापरेका विभिन्न चुनौतीहरू र राज्यले अपनाउनु पर्ने सुरक्षा सतर्कता तथा सजकताका विषयमा पनि छलफल भएको जनाएको छ ।