एक अर्ब बढी पर्ने कोहलपुरको सरकारी जग्गा कसरी पुग्यो व्यक्तिका नाममा?

बाँकेको कोहलपुरस्थित एक अर्ब रूपैयाँभन्दा बढी मूल्य पर्ने झन्डै चार बिगाहा सरकारी जग्गा 'नक्कली सुकुम्बासी' खडा गरी व्यक्तिका नाममा सारिएको तथ्य फेला परेको छ।

कोहलपुर नगरपालिका- ४ स्थित सेन्टर प्लाजा जाने बाटोको दायाँबायाँ चार बिगाहाभन्दा बढी सरकारी जग्गा विभिन्न ४१ जना नक्कली सुकुम्बासीको नाममा सारिएको छ।