६ महिनापछि पोखरामा विमान उड्दै, यसरी हुँदैछ उडान तयारी (फोटोफिचर)

पोखरा । झण्डै ६ महिना लामो लकडाउनपछि भोलिदेखि आन्तरिक उडान सञ्चालन हुँदैछ । असोज एक गतेदेखि नै सञ्चालन अनुमति पाएका विमान भोलिदेखि सञ्चालन हुने भएका हुन् । उडान सञ्चालनका लागि आवश्यक सुरक्षा सतर्कता, सामाजिक दूरी र डिसइन्फेक्सन लगायतका मापदण्ड पालना गर्दै उडान सञ्चालनको तयारी विमानस्थलले थालेका छन् । उडान सञ्चालनको पूर्वसन्ध्यामा पोखरा क्षेत्रीय विमानस्थलले पनि आफ्नो तयारी थालेको छ ।

विमानस्थलले एक–एक घण्टाको अन्तरमा उडान सेड्युल राखेको छ । यस्तै, बोडिङ पासका एक पटकमा दुईवटा मात्रै एयरलाइन्सले दिन मिल्ने गरि सामाजिक दूरी कायम गरेको छ । यस्तै, टर्मिनल बिल्डिङमा छिरिसकेपछि लगेज डिसइन्फेक्सन गरेर मात्रै होल्डिङ सेन्टरमा पुर्याइने छ । ठाउँ ठाउँमा सेनिटाइजरको व्यवस्था गरिएको छ ।