'कोरोना भनेको रूघाखोकी हो, बेसार पानीले सञ्चो हुन्छ भन्ने बुझाइले संक्रमण फैलिएको छ'

काठमाडौंमा कोरोना संक्रमितको संख्या उकालो लाग्दै थियो। त्रिभुवन विश्वविद्यालय भूगर्भशास्त्रका सह-प्राध्यापक रञ्जनकुमार दाहाललाई भने घरमा बस्ने फुर्सद थिएन।

लकडाउनकै बीचमा उनी एउटा अध्ययनका लागि इलाम पुगे। इलामबाट फर्केको केही दिनपछि कुरा हो। आजभन्दा झन्डै २५ दिनअघि उनलाई अकस्मात् सुख्खा खोकी लाग्यो। ज्वरो पनि आयो। उनले धुम्बाराहीको ह्याम्स अस्पतालमा गएर कोरोना परीक्षण गर्न स्वाब दिए र आफू होम क्वारेन्टिनमा बसे।