३० दिनमा सकियो ‘ज्वाइँ साब’

काठमाडौं । चलचित्र ‘ज्वाइँ साब’को छायांकन एक महिनामा सकिएको छ । मकवानपुरको चित्लाङबाट सुरु भएको यो चलचित्रको छायाँकन चितवनमा सम्पन्न भएको छ । चलचित्रका निर्देशक बसन्त निरौलाका अनुसार २३ दिन चित्लाङ र ७ दिन चितवनको छायाँकन पछि ज्वाइँ सावको छायाँकन मँगलबारबाट सकिएको हो ।

‘हामी छायांकन सकेसँगै काठमाडौं फर्किएका छौं र चलचित्रको पोष्ट प्रोडक्शनको काममा जुटेको छौं । चलचित्रलाई चाँडै तयार गरेर हामी रिलिज गर्नेछौं ।’ निर्देशक निरौलाले भने,‘ ‘जीतु र नीति शाहलाई दर्शकले विशेष अवतारमा देख्न सक्नुहुनेछ । यसैले, हामीले सुटिङ सेटबाट कुनै पनि लुक्स सार्वजनिक गरेका छैनौं र दर्शक फस्टलुक देखेर सरप्राइज हुनुहुनेछ ।’