टिबी किन हुन्छ, कसरी गर्ने उपचार? (भिडिओ)

टिबी (क्षयरोग) रोग भनेको शरीरको रोग प्रतिरोधात्मक क्षमता कमजोर भएर टिबीको किटाणुले असर गर्नु हो। क्षयरोग खुट्टाको बुढी ‌औंलादेखि कपालसम्म जहाँ पनि हुन सक्छ। जहाँ क्षयरोग लागेको छ त्यही अनुसारको उपचार हुन्छ। खोकी लाग्यो, ज्वरो आयो, सास फेर्न गाह्रो भयो, तौल घट्यो तर सबै रिपोर्ट सामान्य छ भने टिबी भएको हो भनेर औषधी दिइन्छ।

पहिलाभन्दा यो चलन अहिले कम हुँदै गएको छ। तर यस्तो गर्नु राम्रो होइन। पूर्ण रूपमा परीक्षण नगरिकन यसै औषधी खान हुँदैन। किनकि यसको औषधी भनेको एन्टिबायोटिक हो। जुन हजार एमजीको हुन्छ भने ६ महिनादेखि ३६ महिनासम्म खानुपर्ने हुन सक्छ। त्यसैले यसले गलत असर पार्न सक्छ।