कोभिड–१९ रोकथाममा खटिएका चिकित्सक भन्छन्– हामी आफैं चनाखो छौं, किन डराउने ?

काठमाडौं । कोभिड–१९ रोकथाममा सक्रिय चिकित्सकले आफू सचेत हुँदै संक्रमितको उपचारमा खटिएको बताएका छन् । शुक्रराज ट्रपिकल तथा सरुवा रोग अस्पतालका निर्देशक डा. सागरराज भण्डारीले आफूहरू सतर्क रहेर उपचारमा खटिएको बताए । उनले भने, ‘हामी आफैं चनाखो छौं । सर्जिकल मास्क लगाएर काम गरिरहेका छौं ।’

कोरोना संक्रमितको उपचारका लागि फ्रन्ट लाइनमा खटिएका टेकु अस्पतालका प्रवक्ता डा. अनुप बाँस्तोलाले आफूले शारीरिक दूरी कायम गरेको बताए । उनले भने, ‘मैले शारीरिक दूरी कायम गर्दै आएको छु । बुबाआमा र परीवारका सदस्यबाट टाढा बस्छु । यो कहिलेसम्म हो, अझै भन्न सकिँदैन ।’