आविष्कार केन्द्रले तयार पार्‍यो कोरोनाका बिरामी सुरक्षित रुपमा अस्पताल पुर्‍याउने बाकस

काठमाडौं । राष्ट्रिय आविष्कार केन्द्रले कोरोना संक्रमित बिरामीहरुलाई सुरक्षित रुपमा एम्बुलेन्समा ओसारपोसार गर्न सकिने बाकस तयार पारेको छ । बिरामीसँगै एम्बुलेन्समा रहने स्वास्थ्यकर्मी र चालकलाई संभावित कोरोना संक्रमणबाट जोगाउन यस्तो बाकस डिजाइन गरिएको हो ।

आविष्कार केन्द्रका संस्थापक महाबीर पुनले बाकसको डिजाइन, विकास र परीक्षणको काम पुरा भएको जानकारी दिए । उनका अनुसार यो बाकसमा बिरामी राखेपछि हावा छिर्न नसक्ने चेन लगाएर बन्द गरिन्छ ।