सरकारले भारतसँग खरिद गरेको कोरोनाविरुद्धको १० लाख डोज खोप काठमाण्डौँ आइपुग्यो (भिडियो सहित)

नेपाल सरकारले भारतस्थित सीरम इन्स्टिट्यूट अफ इन्डियासँग खरिद गरेको कोरोनोभाइरसको असरविरुद्ध प्रयोग हुने कोभिशील्ड खोपको १० लाख डोज आइतवार अपराह्ण एयर इन्डिया दिल्लीको विमानबाट त्रिभुवन अन्तर्राष्ट्रिय विमानस्थलमा आइपुगेको छ । यो ‘भाइरल भेक्टर’ खोपको प्रकार हो।

यस अघि भारत सरकारको अनुदान सहयोगमा १० लाख डोज खोप आइसकेको थियो । त्यस खोपलाई नेपाल सरकारले कोरोना संक्रमणकालभर अग्रपंक्तीमा खटिने स्वास्थ्यकर्मी, सेना, प्रहरी, सशस्त्र प्रहरी, सरसफाईकर्मी, संचारकर्मीहरुलाई प्राथमिकतामा राखी पहिलो तथा दोश्रो चरणको टिकाकरण कार्यक्रम गरिरहेको छ ।