ठाकुरराम क्याम्पसको क्वारेन्टाइनमा बसेका भारतीयलाई खानेकुराको अभाव

वीरगंज : ठाकुरराम बहुमुखी क्याम्पसको क्वारेन्टाइनमा रहेकाहरुलाई खाद्यान्न अभाव भएको छ। यहाँ रहेका करिब ८४ जना भारतीयहरूलाई लकडाउनको एक महिनापछि साबुन र खाद्यान्नको अभाव हुन थालेको हो।

नेपालका विभिन्न जिल्लाबाट भारत फर्किने क्रममा प्रहरीले उनीहरुलाई नियन्त्रणमा लिएर सो क्वारेन्टाइनमा राखेको थियो। यसअघि यहाँ रहेका १२५ जनालाई १४ दिन बितेपछि वीरगंजमा रहेका आफन्तको जिम्मा लगाइएको थियो भने केहीलाई भारत प्रवेश गराइएको थियो।