लद्दाख झडपमा २० भारतीय सैनिक मारिएको पुष्टि

सोमबार राति भारत चीन सीमा क्षेत्रमा लद्दाखमा भएको झडपमा २० भारतीय सैनिक मारिएको पुष्टि भएको छ।

भारतीय सेनाले मंगलबार राति नयाँ वक्तव्य जारी गरेर चिनियाा सैनिकहरूसँग सोमबार राति भएको झडपमा घाइते भएका थप १७ जना भारतीय सैनिकहरूको मृत्यु भएको जनाएको हो। यसअघि एक कर्णेलसहित तीन सैनिक मारिएको भारतीय विदेश मन्त्रालयले पुष्टि गरेको थियो।