कोशी प्रदेशमा बजेट विवाद समाधान गर्न कांग्रेस–एमालेको दौडधुप

विराटनगर । कोशी प्रदेश सरकारले आगामी आर्थिक वर्ष २०८३/८४ का लागि ल्याएको ४० अर्ब ४४ करोड ९८ लाख रुपैयाँ बराबरको बजेट बारेमा सत्तारुढ दल कांग्रेस र एमालेभित्रै देखिएको विवाद समाधानका लागि दुई दल सक्रिय बनेका छन् ।

मन्त्रीहरूले आफ्नो निर्वाचन क्षेत्रमा मात्रै बजेट लगेको र असन्तुलन कायम भएको भन्दै सांसदहरूले बजेट सन्तुलित बनाउनुपर्ने माग गरेपछि यसअघिका दुई वटा संसद् बैठक बस्नै नसकी स्थगित भएको थियो ।