कोरोना संक्रमणका कारण पर्सामा थप २ जनाको मृत्यु

पर्सा । कोरोना संक्रमणका कारण पर्सामा बिहीबार थप २ जनाको मृत्यु भएको छ । वीरगन्ज महानगरपालिका वडा नम्बर १६ नगवाका ३५ वर्षीय युवक र वडा नम्बर २ छपकैयाका ७० वर्षीय बृद्धको बिहिबार मृत्यु भएको नारायणी अस्पतालका मेडिकल सुपरिटेन्डेन्ट मदन उपाध्यायले जानकारी दिए ।

नगवाका ३५ वर्षीय युवकको गण्डकस्थित कोभिड अस्पतालको आइशोलेशनमा उपचारका क्रममा बिहीबार बेलुकी ८ बजे मृत्यु भएको मेसु उपाध्यायले जानकारी दिए । ज्वरो आएपछि साउन ५ गते उनलाइ तराई हस्पिटलमा भर्ना गरिएको थियो ।