पिँडालुखेतीप्रतिको मोह बढ्दो 

कञ्‍चनपुर । कञ्‍चनपुर र कैलालीमा बसोबास गर्ने राना थारु समुदायको पिँडालुखेतीप्रतिको मोह जारी रहेको छ । ती समुदायको खेतबारीमा सहजैरुपमा देखिने तरकारी बालीमा पिँडालु हो ।

ती समुदायले पुर्खौंदेखि सो खेती लगाउँदै आएका छन् । पौष्टिकताले भरिपूर्ण पिँडालुको तरकारी ती समुदायले अधिक रुचाउने गर्दछन् । घुमन्तेयुगदेखि हालसम्म निरन्तररुपमा ती समुदायले खेती गर्दै आएको तरकारी बालीका रुपमा पिँडालु रहेको छ । पिँडालुको पात, काण्ड र गानो तरकारीका रुपमा प्रयोग हुने गरेको छ ।