धनकुटा सम्पर्क कार्यालय हट्न सक्ने मुख्यमन्त्रीको संकेत

विराटनगर । ‘मुख्यमन्त्रीज्यू मुख्यमन्त्रीको सम्पर्क कार्यालयलाई किन उपेक्षा गर्नु भएको हो ? हामीले चाहेको सम्पर्क कार्यालय अहिले नै भएको जस्तो हो त ? धनकुटावासीले के अहिलेकै जस्तो धनकुटाको सम्पर्क कार्यालय खोजेका हुन् त ?’ यो प्रश्न धनकुटाका पत्रकार सञ्जय सन्तोषी राईको हो ।

उनी शुक्रबार विराटनगरमा प्रदेश सरकारले आयोजना गरेको पत्रकार सम्मान तथा अन्तरक्रिया कार्यक्रममा बोल्दै गर्दा धनकुटाको समस्या मुख्यमन्त्रीलाई सुनाउँदै थिए । मुख्यमन्त्रीको सम्पर्क कार्यालय धनकुटामा खोलेर मुख्यमन्त्री भएपछि एकपटक बाहेक तपाईं किन सम्पर्क कार्यालयमा नगएको भन्दै राईले प्रश्न गरे । ‘एकपटक भोजपुरबाट आउँदा स्वागत गरेका थियौँ’, राईले भने, ‘त्यसपछि मुख्यमन्त्रीज्यू त्यहाँ देख्न पाइएन ।’