‘सरकारको भर छैन, सडक छोड्दैनौं’

४ जेठ, बुटवल । कैलालीपछि सबैभन्दा बढी अव्यवस्थित बसोवासी र भूमिहीन सुकुमवासी रहेको रुपन्देहीमा आइतबार रास्वपाको नेतृत्वमा सरकार बनेयता दोस्रोपटक वृहत् प्रदर्शन भयो । यसअघि वैशाख २४ गते विरोध प्रदर्शन भएको थियो । सरकारले सार्वजनिक जग्गा संरक्षणका लागि भन्दै डोजर चलाएपछि अव्यवस्थित बसोवासी तथा भूमिहीनहरू आन्दोलित भएका हुन् ।

प्रधानमन्त्री बालेन्द्र शाह नेतृत्वको सरकारले स्वीकृत गरेको सय बुँदे कार्यसूचीमा सुकुमवासी समस्या १००० दिनमा समाधान गर्ने उल्लेख छ । चैत १३ मा सरकारले ६० दिनभित्रै प्रमाणीकरण गरिसक्ने प्रतिबद्धता जनाएको थियो ।