‘३५ वर्ष’ को भाष्य छाडेर वर्तमान र भविष्यमा केन्द्रित हुन नयाँ सांसदहरुलई रक्षा बमको आग्रह

जेनजी अभियन्ता रक्षा बमले नयाँ उदाएका सांसद (माननीय) हरूलाई ‘३५ वर्ष’ को पुरानो भाष्यबाट बाहिर निस्किएर काममा केन्द्रित हुन आग्रह गरेकी छन् । बुधबार सामाजिक सञ्जालमा सन्देश लेख्दै उनले नयाँ जनप्रतिनिधिहरूको पनि अब कार्यकालको गन्ती सुरु भइसकेको स्मरण गराएकी हुन् ।

अभियन्ता बमले नयाँ माननीयहरूलाई विगतको आलोचना मात्र गरेर नबस्न र वर्तमान तथा भविष्यको जिम्मेवारी सम्हाल्न सचेत गराएकी छन् । उनले लेखेकी छन्, ‘नयाँ उदाएका माननीयज्यूहरू, कृपया यो ‘ ३५ वर्षसम्म, ३५ वर्षसम्म’ भन्ने भाष्यबाट अब बाहिर निस्किनुहोस्। अब तपाईँहरूको पनि गन्ती सुरु भइसकेको छ ।’