साझा बसको रङ फेरेर साउन १ देखि चल्दैछन् ‘ब्लु बस’, कुन रुटमा कतिवटा ?

काठमाडौं । सरकारले साझा यातायातको रङ फेरेर ‘ब्लु बस’ सञ्चालनमा ल्याउने भएको छ । सरकारले ल्याएको शासकीय सुधारका १०० कार्यसूचीमा उल्लेख भएको यस्तो बसको सञ्चालन साउनदेखि गर्ने तयारी गरेको हो ।

सरकारकाे कार्यसूची बमोजिम अर्थ मन्त्रालयले ब्लुबस सञ्चालनका लागि आर्थिक वर्ष २०८३/८४ मा बजेट समेत विनियोजन गरेको थियो । यस अनुसार पहिलो चरणमा ब्लुबस सञ्चालनको लागि बजेट स्वीकृतिका लागि अर्थ मन्त्रालय पुर्याइएको छ । अर्थबाट बजेट स्वीकृत भएर आएपछि पहिलो चरणमा बस सञ्चालन सुरु हुने मन्त्रालयले जनाएको छ ।