एन्डी मुर्रे बाहिरिए

पाँचपटकको उपविजेता एन्डी मुर्रे वर्षको पहिलो ग्रान्डस्लाम अस्ट्रेलिया ओपनको पहिलो चरणबाटै बाहिरिएका छन् । ३६ वर्षीय मुर्रे पछिल्लो १३ वर्षमा दोस्रोपटक पहिलो चरण पार गर्न नसकेका हुन् । दोस्रो चरणमा पुग्न नसक्दा निराश देखिएका मुर्रेले सन् २०२५ मा मेलबर्न पार्कमा उपस्थित हुन नसक्ने जनाएका छन् ।

उनले घुमाउरो रूपमा यसपटकको सहभागिता नै अन्तिम भएको बताए । ‘यहाँ मैले राम्रो खेल्न सकिनँ, जुन रूपमा प्रतिस्पर्धा गरे, यो दोस्रो चरणसम्म पुग्नलायक थिएन,’ उनले भने । उनी पहिलो चरणमा टोमास मार्टिनसँग ६–४, ६–२ र ६–२ को सहज सेटमा पराजित भएका हुन् ।