कर्णालीमा फोर्स गाडी खस्यो: केहीको मृत्यु, शव निकालिँदै

काठमाडौँ- सुर्खेतबाट कालिकोटका लागि छुटेको यात्रुवाहक फोर्स गाडी कर्णाली नदीमा खसेको छ । कर्णाली राजमार्ग अन्तर्गत दैलेखको चामुण्डाबिन्द्रासैनी नगरपालिकास्थित सांगेतडामा उक्त गाडी दुर्घटना भएको हो। जिल्ला प्रहरी कार्यालय दैलेखका सूचना अधिकारी लक्ष्मण पचभैयाले गाडी नदीमा डुबेको बताए।

उनका अनुसार, कर्णाली ०३–००१ ख १०५५ नम्बरको उक्त गाडी सडकबाट करिब ५०० मिटर तल नदीमा खसेको हो। सशस्त्र प्रहरीका अनुसार सुर्खेतबाट कालिकोट जाँदै गरेको क प्र ०२–००१ ख १०५५ नम्बरको फोर्स गाडी अनियन्त्रित भई दुर्घटना हुँदा सडकबाट अन्दाजी ६००/७०० मिटर तल कर्णाली नदीमा खसेर दुर्घटना भएको हो।