काठमाडौंको सामाखुसीमा छतबाट खसेर युवकको मृत्यु 

काठमाडौंको सामाखुसीमा छतबाट खसेर एक जना युवकको मृत्यु भएको छ ।

सामाखुसीमा रामपाल श्रेष्ठले सञ्चालन गरेको क्रिस्टल ब्वाइज होस्टलको तेस्रो तलाबाट खसेर गोरखा ताकुकोटका २२ वर्षीय विकेश गुरुङको मृत्यु भएको हो । गुरुङ एक वर्षदेखि सोही होस्टलमा बस्दै आएको खुलेको जिल्ला प्रहरी परिसर काठमाडौंका प्रहरी उपरीक्षक दिनेशराज मैनालीले जानकारी दिए ।