मोदीबेनी घाटमा लासहरुबीच कलाकारको अभिनय

काठमाडौं । पर्वतको मोदीबेनी घाटमा अझै पनि केही समुदायले आफन्तको लास कात्रोमा बसेर ढुँगाले थिचेर राख्ने गर्छन । यस्ता लासलाई पछि बढीमा गाईन्छ । यो प्रथालाई चलचित्र ‘मोदीबेनी’मा समेटिएको छ । त्यहाँ राखिएका आधा दर्जन दुर्गन्धित लासहरुबीच सोही घाटमा यो चलचित्रको छायाँकन गरिएको थियो ।

कलाकारले सेट लगाएर अन्यत्र यो दृष्यका छायाँकन गर्ने प्रस्तावलाई ठाडै अस्विकार गरेर निर्देशक शँकर कोईरालाले चलचित्र मोदीबेनीको छायाँकन मोदीबेनी घाटमै गरे,‘अभिनेत्री बर्षा सिवाकोटीले निर्वाह गरेको शबलाई रातभर घाटमै राखेर कुर्नु पर्ने र भोलीपल्ट त्यो शब जलाउनु पर्ने दृष्य थियो । तर त्यो घाटमा महिनौ देखि केही शबहरु कात्रोमा बेरेर ढुँगाले थिचेर राखिएको दृष्य र त्यसको दुर्गन्धले हामीलाई चलचित्रको छायाँकन गर्न निकै सकस भएको थियो ।’ अभिनेता प्रविण खतिवडाले भने,‘हामीले यस्ता लासहरु घाटमा महिनौ नराख्न र तत्कालै जलाउनु पर्ने सुझाब त्यहाँको नगरपाकिालाई पनि दियाँै । तर त्यहाँको प्रचलन नै त्यस्तै रहेकाले आफुहरुले लास जलाउनको लागि बाध्य तुल्यान नसकेको जवाफ नगरपालिकाका पदाधिकारीले दिए ।’