कर्णालीमा खस्यो यात्रुवाहक बस, एक जनाको शव भिरमा अड्किएको भेटियो

काठमाडौं । सुर्खेतबाट कालिकोटका लागि छुटेको यात्रुवाहक मिनीबस दैलेखको चामुण्डाबिन्द्रासैनी नगरपालिका–७ स्थित साङ्गेतडा नजिक कर्णाली राजमार्गबाट करिब ४००–५०० मिटर तल कर्णाली नदीमा खसेको छ ।

जिल्ला प्रहरी कार्यालय दैलेखका अनुसार कर्णाली प्रदेश ०२–००१ ख १०५५ नम्बरको फोर्स मिनीबस बिहीबार बिहान करिब साढे ११ बजे दुर्घटनामा परेको हो ।