अर्थतन्त्र उकास्ने औजार

अर्थ मन्त्रालय वा राष्ट्र बैंकले भनेका तथ्य र तथ्यांक हेर्ने हो भने नेपाली अर्थतन्त्र ठीकठाक हुनुपर्ने हो। तिनले भनेका सूचकले अर्थतन्त्रका बाह्य सूचक बलियै देखिन्छन्। धरातलीय यथार्थ भने बेग्लै छ। व्यवसायी, उद्यमीमात्रै होइन सर्वसाधारणलाई पनि उकुसमुकुस छ। न व्यापार चलेको छ, न उद्योग। सर्वसाधारणको आम्दानीमा ह्रास छ र क्रयशक्ति कमजोर भएको छ। व्यापारिक गतिविधिमा शिथिलता छ। ठूला साना सबैथरी व्यापार व्यवसाय लगभग चौपट छन्। सहरका गल्लीगल्ली र चोकचोकका सटर कबलहरू बिक्रीमा राखिएका छन् वा बन्द गरिएका छन्। सरकारले अपेक्षाकृत राजस्व संकलन गर्न सकेको छैन। भएको राजस्व पनि विकास निर्माणमा खर्च गर्न सकेको छैन। अर्थात् पुँजीगत खर्चमा सरकारको

अकर्मण्यता देखिन्छ।