रसुवाको जंगलमा झुण्डिएको अवस्थामा भेटियो डेढ महिनादेखि हराएकी किशोरीकाे शव

काठमाडौँ- रसुवाकाे जंगलमा झुण्डिएको अवस्थामा १९ वर्षीया किशाेरीकाे शव फेला परेकाे छ । गत चैत २५ गतेबाट हराएकी जिल्लाको कालिका गाउँपालिका-४, भदौरेकी १९ वर्षीया लक्ष्मी पौडेलको शव रिप पालेको वनमा सोमबार भेटिएको हो ।

डढेलोका कारण उनको शरीर जलेको जिल्ला प्रहरी कार्यालय रसुवाले जनाएकाे छ । कार्यालयका अनुसार शवको प्रकृति हेर्दा धेरै दिनअघि मृत्यु भएको जस्तो देखिन्छ । शव पोष्टमार्टमका लागि त्रिशूली अस्पताल लगिएको जनाइएकाे छ ।