हर्क साम्पाङ पछि पर्दा उनका ‘योद्धाहरू’ले बनाइरहेछन् ५ क्षेत्रमा अग्रता

काठमाडौं । धरान उपमहानगरपालिकाका पूर्व मेयर हर्क साम्पाङले जेनजी आन्दोलनपछि आफ्नो नेतृत्वमा श्रम संस्कृति पार्टी स्थापना गरे । ‘श्रमवाद’ मुख्य एजेन्डा बनाएको यो पार्टी चुनावी प्रतिस्पर्धामा छ । मत परिणाम हेर्दा देशव्यापी रूपमा राष्ट्रिय स्वतन्त्र पार्टी (रास्वपा)को पक्षमा अभूतपूर्व जनलहर देखिएको छ ।

यस्तोमा पूर्वी नेपालका केही क्षेत्रमा श्रम संस्कृति पार्टीले पनि राम्रै उपस्थिति जनाइरहेको छ । सुनसरी क्षेत्र नम्बर १ मा उम्मेदवार बनेका पार्टी अध्यक्ष हर्क साम्पाङ मतान्तरमा रास्वपाकी गोमा तामाङसँग फराकिलो मतान्तरले पछि परेका छन् ।