एसीसी यू–१९ प्रिमियर कपको उपाधिका लागि नेपालले भोलि युएईसँग खेल्दै 

मलेसियामा जारी एसीसी यू १९ मेन्स प्रिमियर कपको उपाधिका लागि भोलि मंगलबार नेपालले युएईसँग खेल्दै छ । सेमिफाइनलमा जापानलाई डकवर्थ लेविस नियम अनुसार १४३ रनले पराजित गर्दै नेपालले फाइनलमा स्थान बनाएको थियो । उता, युएईले पनि सिंगापुरलाई सोही नियम अनुसार १० विकेटले पराजित गरेको थियो । पानी परेपछि उक्त नियम लगाइएको थियो ।

जारी प्रतियोगिताको फाइनलमा पुगेसँगै एसिया कप यू १९ मा भने दुवै टिमले स्थान पक्का गरिसकेका छन् । आजको विजेताले ट्रफी जित्ने छ । नेपाली टिम अहिले यू १९ विश्वकपमा छनोट भएकाले यो प्रतियोगिता अभ्यासका रुपमा उत्कृष्ट रहेको छ ।