मेयर साम्पाङले त्रुटि सच्याउने प्रतिबद्धता जनाएपछि बस्यो धरानको कार्यपालिका बैठक 

धरान उपमहानगरपालिकाका मेयर हर्क साम्पाङ र वडाध्यक्षहरूबीचको विवाद साम्य भएसँगै आइतबार दुई महिनापछि कार्यपालिका बैठक बसेको छ।

मेयर साम्पाङ अरू बेलाभन्दा नरम रूपमा प्रस्तुत हुँदै आफूबाट भएको 'प्रशासनिक त्रुटि' सच्याउन तयार भएपछि दुई महिनाभन्दा लामो समयदेखि चलेको मेयर-वडाध्यक्ष द्वन्द्व तत्काललाई साम्य भएको हो।