उद्योगमा अँध्यारो, अर्थतन्त्रलाई तगारो

२०७५ सालदेखि बिजुलीको लोडसेडिङ हट्यो भनियो। तर अहिले पनि बिजुली कहीँ कतै नियमित छैन। छिनछिनमा बिजुली आउनेजाने गरिरहन्छ। नेपाल विद्युत् प्राधिकरणले दिने बिजुलीको भर परेर साना तथा मझौलामात्रै होइन, ठूला उद्योग पनि चल्न पाएका छैनन्।

सामान्य व्यापार व्यवसाय र कार्यालयहरूमा पनि बिजुलीको वैकल्पिक व्यवस्था गर्नु परिरहेको छ। प्राधिकरण भने झन्डै तीन हजार मेगावाट बिजुली उत्पादन भइरहेको सुनाइरहन्छ। भारतमा बिजुली बेचिसक्यो, अब बंगलादेश बेच्छौं पनि भनिरहन्छ। तर यही देशका उद्योगधन्दामा दिनको १२ घण्टामात्रै नियमित बिजुली आपूर्ति छ। तर, देशभरका ७० प्रतिशत उद्योग डिजेलबाट चल्ने जेनेरेटरको बिजुलीको भरमा चल्नु परिरहेको छ।