परराष्ट्रमन्त्री जेनेभातर्फ

काठमाडौं । परराष्ट्रमन्त्री विमला राई पौड्यालले संयुक्त राष्ट्रसंघीय मानवअधिकार परिषद्को बैठकमा सहभागी हुने क्रममा राष्ट्रिय मानवअधिकार आयोगलाई ‘क’ श्रेणीमै कायम राख्न पहल गर्ने बताउनुभएको छ ।

परिषद्को बैठकमा भाग लिन आइतबार स्वीजरल्यान्डको जेनेभातर्फ प्रस्थान गर्नुअघि आयोजित पत्रकार सम्मेलनमा मन्त्री पौड्यालले यस्तो जानकारी दिनुभएको हो । उहाँले भन्नुभयो– ‘मानव अधिकार संस्थाहरूको अन्तर्राष्ट्रिय सञ्जालले नेपालको मानव अधिकार आयोगलाई ‘ख’ श्रेणीमा घटुवा गर्न सिफारिस मात्र गरेको हो, घटुवा भइसकेको छैन । त्यसैलै ‘क’ श्रेणीमै कायम राख्न हाम्रो प्रयास रहने छ ।’