पर्वतारोहण सम्बन्धी नयाँ नियमावलीको ड्राफ्ट तयार

काठमाडौं । सरकारले २०५९ मा बनाएको पर्वतारोहण नियमावली अनुसार नै अहिले स्वदेशी हिमालमा गतिविधि सञ्चालन हुँदै आएका छन् । सुहाउँदो नियम नहुँदा हिमालमा हुँदै आएका केही गतिविधिले विवाद निम्त्याइरहेका छन् ।

गत वैशाखमा मात्रै अमेरिकी नागरिक ड्यारेन जोनले सगरमाथा क्षेत्रमा प्याराग्लाइडिङ गरे । त्यसपछि सरकारले उनको सगरमाथा आरोहण अनुमति नै रद्द गरिदिएको थियो । जोनले सगरमाथा आधार शिविरबाट क्याम्प–२ मा पुगेर फर्कने क्रममा प्याराग्लाइडिङ गरेका थिए । सगरमाथामात्रै होइन, सरकारले कुनै पनि हिमालमा प्याराग्लाइडिङको अनुमति दिएको छैन ।